News
Südtirol Pass abo+ 2017/2018: informaziuns importantes por geniturs y studënc
La domanda podará gní fata, sides por ciafé che por renové le Südtirol Pass abo+, ma online sön le sit www.mobilitaaltoadige.info pian ia dai 01.05.2017 cina ai 31 de dezëmber dl ann de domanda y cina ai 28 de forá dl ann dedô.
Tarifa anuala Südtirol Pass abo+
® 20 euro por scolares y scolars dla scora elementara, mesana y alta y por che che frecuentëia la scora profescionala o na formaziun de basa tl setur sozial a tëmp plëgn y lerneres y lerneri che n’á nia ciamó complí 18 agn y che fej la scora profescionala;
® 150 euro por studëntes y studënc universitars, lerneres y lerneri che á complí 18 agn y che fej la scora profescionala, por che che fej na scora serala y che che frecuentëia na formaziun de basa söl laur tl setur sozial.
Domanda de renovamënt - Südtirol Pass abo+
Por studëntes y studënc che n’á nia ciamó complí 18 agn mëss la domanda gní fata da n genitur o dala porsona autorisada al’educaziun y sce ara/al á complí 18 agn diretamënter dala studënta o dal studënt.
Domanda de n abo+ nü - Südtirol Pass abo+
1. Por scolares y scolars de mëndra eté vëgn la domanda fata da n genitur o dala porsona che á l’autorisaziun al’educaziun.
2. La domanda mëss indere gní fata dala scolara o dal scolar sce ara se trata de na porsona de majera eté.
Les tesseres nöies stampades al scomenciamënt dl ann scolastich ti gnará ince tl dagní ortiades ala scora dada dant canche an á fat domanda.
Les tesseres nöies por studëntes y studënc universitars y che che fej na scora defora dla provinzia mësson jí a tó pro le punt de venüda autorisé dl trasport publich integré Südtirol chirí fora.
Ara jará ince, canche che an fej domanda o te n secundo momënt, da ativé, tres le sit www.mobilitaaltoadige.info, n account cun chël che an ti röia pormez a sorvisc online desvalis.
Paiamënt Südtirol Pass abo+
® Le paiamënt pó gní fat cun les modalités scrites dessot:
1. Prepaid: online cun cherta de credit, tres internet-banking cun les banches abilitades, pro les portines y i punc de venüda autorisá dl trasport publich integré Südtirol
2. Postpaid: al vëgn adebité sön le cunt corënt bancar (SEPA Direct Debit).
Metede averda
Le Südtirol Pass abo+ nia renové ne vel nia plü dai 16.09.2017 inant. Sön le display dl aparat da obliteré gnarál sö te chësc caje l'imaja de “tessera tomada”.
Sce al é gnü renové online tres le sit, mo nia ciamó paié, gnarál sö dai 16.09.2017 sön le display dl aparat da obliteré l'imaja “Euro 0” - credit rové.
Sorvisc implü a paiamënt por l’abo+
Canche an fej domanda online pó les porsones che fej domanda chirí fora sce ativé i sorvisc implü a paiamënt.
Duplicat Südtirol Pass abo+
Sce le Südtirol Pass abo+ vëgn tut, o sce an le perd o le rump mësson damané do n duplicat. Le duplicat costa 20 euro sciöche spëises aministratives.
Ma sce la cherta de iade é ciamó intiera mo ne vá nia, ciafon na tessera nöia debann. Te chësc caje jide prëibel dala scora o da un di punc de venüda autorisá dl trasport publich integré Südtirol.
La domanda de duplicat pó gní fata:
• online dal genitur (sce la scolara o le scolar n’á nia complí 18 agn) o diretamënter dala scolara o dal scolar (sce la scolara o le scolar á complí 18 agn) tres l’account por le Südtirol Pass abo+;
• tres le secretariat scolastich por les scores dl Südtirol;
• tres le Call Center 840 000426 (dal lönesc al vëndres: 9:00-13:00 y 14:00-18:00);
• pro les portines y i punc de venüda autorisá dl trasport publich integré Südtirol.
Paiamënt dl duplicat
Sce le contrat é Postpaid (chël ó dí che le cost vëgn adebité sön le cunt corënt bancar), gnará le cost dl duplicat ajunté tla fatura.
Sce le contrat é Prepaid (chël ó dí da ciarié sö) messarán paié pro un di punc de venüda autorisá dl trasport publich integré Südtirol te 15 dis.
Sce le duplicat ne vëgn nia paié te 15 dis vëgn la tessera blocada. Te degun caje ne paion a scora!
Sce osta möta o osc möt n’á nia para süa cherta o ne l’á nia convalidada o n’á nia para le documënt d’identité (por che che á complí 14 agn) ciafi na sanziun aministrativa (articul 50 dla lege provinziala di 23.11.2015, n.15).
De plü informaziuns sön le sit http://www.mobilitaaltoadige.info/lad/chertes-de-viac/suedtirol-pass-abo-plus
Jorantin te pdf da desćiarié da http://www.agenzia-mobilita.bz.it/it/pubblicazioni.asp